大學站的車站歷史
大學站列車出軌事故
1988年6月4號下晝兩點，壹列九廣鐵路（英段）南行貨運列車喺大學站以北嘅白石角出軌，直到第二日朝早10點40分恢復服務。期間九鐵服務中斷咗成日。九鐵方面派出接駁巴士疏導乘客，但場面混亂。例如喺沙田站，夜晚大批乘客爭先恐後上接駁巴士，有人甚至爬窗上車。出事嗰段鐵路本來系個急彎，後來喺1995年拉直。而家系香港教育學院運動場。
車站命名
大學站之前叫馬料水站，喺1956年9月24號正式啟用。車站啟用初期每日只有南北行各三班列車停站。隨住香港中文大學落成，喺1966年12月11號宣布改名做大學站。
2007年12月2號兩鐵合並，東鐵線現有大學站，同起緊嘅港鐵西港島線香港大學站，站名重復。當其時港鐵未就此事有所定案。有類似情況嘅旺角站，九廣東鐵旺角站就改名做東鐵線旺角東站。有輿論認為依傳統地名，東鐵線原有嘅大學站應恢復原名馬料水站，新起嘅大學站就命名石塘咀站，但港鐵發言人指西港島線大學站重未正式命名，並重申名稱將會反映該區嘅地區特色。2009年，西港島線動工起之後，港鐵將西港島線大學站正式改做香港大學站；不過由於重喺興建階段，因此正式名稱仍然有變數；而家嘅大學站亦有可能喺西港島線通車後順便改名做中文大學站。